Saket

Assalam mu'alaikum warah matullah,,
Jinoe loen peupah, FB leon buka..
Ka uloen peuphon, hai rakan mutuwah,
Ta mulai-i kisah, pantoen ta puta..

Ta peugot raket, dari bak asang,,
Teuma oh lheuh, kayoeh bwu teuga..
Ka diteuka saket, man saboh badan,,
Trok bak pikiran, mumang tarasa..

Saket di keu-ieng, ka saboh piasan,,
Uroe ngen malam, payah meujaga..
Sijuek di bulee, lupie hana ban,,
Lampah hai rakan, ngen apui tasua..

 Oh ta eu peunyaket, ka dilakee kuburan,,
Gleuhuek sikuyan, ie indong sigunca..
Dak ubat tateugok, pih hana mempan,,
Kalheuh uroe nyan, bak mentri loen teuka..

 Teuma baroe sa, jak bak ibuk bidan,,
Punggong ka lumbam, jarom ube raya..
Tiga kali sa, ta-uet uroe malam,,
Keubit loen sawan, saket lagei na..

Batei lam keu ieng, peuruseh karang,,
Epo hai Tuhan, saket lagoina..
Teurasa lam keu-ieng, na soe piasan,,
Meukarang-karang, bate that raya..

Karna ka hek that, kerja bangunan,,
Nyan keuh alasan, saket diteuka..
Teutap loen karat, mandum loen kuran,,
Ngak na penghasilan,keu keluarga..

Ungkot situmpok, nyan keuh tujuan..
Laen hai rakan, hana loen kira..
Asai dalam plok, beuna makanan,,
Keluarga beu aman, bek na lamdawa...

Etnoe keueh mantong, hai rakan rakan,,
Sebab loen tuan, jinoe ka teuga..
Allah bri puleh, hana ta teujan,,
Do'a hai rakan, bek sagai ta lupa..

Rahmi amalia, anak aceh

https://youtu.be/JWGT28C1EnI

Mita peurumoh

Ta ngieng ulanget, ji-oh that pandang,,
Ta mita agam, yg jeuet imum gata,,
Ta ngieng inoeng, digata hai gam,,
4 boh hukom nyan, beusep perkara,,

Ta ngieng ulanget, na kapai terbang,,
Ta ngieng bak jalan, na honda pespa,,
Menyo ka meuheuet, bek asai reugam,,
Rugoe masa depan, hana le guna,,

Ta ngieng ulanget, meuble-ble bintang,,
Ta ngieng bak jalan, aseupal hana,,
Tilek beudeueh, pike beu lapang,,
Bek watee munang, ta jak cerita,,

Ta ngieng ulanget, trang that buleuen,,
Ta ngieng lam uteuen, bak kayee raya,,
Mita po rumoh, beu luheuen- luheuen,,
Bek asai ureueng, yg penteng kaya,,

Ta ngieng ulanget, na mata uroe,,
Ta ngieng unanggroe, rumoh mubanja,,
Neu mita judo, nyang na mirip droe,,
Bek singoeh rugoe, seulera hana,,

Ta ngieng ulanget, na awan itam,,
Ta ngieng lam alam, rudok ka teuka,,
Syit awan puteh, ban saboh alam,,
Salah rudok nyan, peu gadoh warna,,

Bek asai neu -u't , neu karat-karat,,
Keu pee teueh ubat, penyaket hana,,
Mita po rumoh,  watee mukarat,,
Umu toe jirat,  hana le guna,,

HIEM ACEH 2018

4. Hiem Aceh:
...tan jaroe tan gaki, leubeh tinggi,  jaroe bak punggoeng...

(piala)

5. Hiem Aceh:
...Ta-uem ma, ta cupet aneuek,
  Ta geusuek bacut, senang lagei na...

(Gitar)

6. Hiem Aceh:
...Ma pajoeh aneuek,
meusipreuek saboh donya...

(cato rimueng)

Raja Hiem aceh 2018

1. Hiem Aceh:
.. Hiem ka supoet...!!!
igoe 2, jak seuroet,
Rumoh gunong, dalam supoet.....

(gatheuek)

2. Hiem Aceh:
... 4 bibi, igoe sineuek,
Ureueng meu aneuek, puleh hawa....

( boh jambee )

Www.dilarang lhoeksumike.com

3. Hiem Aceh:
... Ma 2 Aneuek 5,
Agam inoeng, pasti na....
Kon kayee, kon bulangoeng ,
Kon eungkoeng, kon manusia....

            ( sembahyang 5 watee )

Www.famer.com

PILEH DPRK

Assalam mu'alaikum, syedara yg got that elok,,
Jinoe katroek, pilehan calon dprk,,
Neu pike beujroh, i'ktikeuet beutrok,,
Watee neujoek, beusep keunira,,

Baro kali nyoe, pantoen loen peutrok,,
Masyakat suntoek, toeh geuculok watee uroe ha,,
Bukti loen mita, ka rata peulosok,,
Hana geuturi culok, hana mangat rasa,,

Kamoe meu do'a, keu dprk yg that elok,,
Mandum beu ektroek, beusep suara,,
Bek saleng hina, saleng ta peubrok,,
Tanyoe beu elok, bek jeuet keu dausa,,

Beu teugoh-teugoh, hai syedara aloen,,
Jangka 5 thoen, bek hana guna,,
Nyan dprk, neu pileh urueng gampong,,
Maseng-maseng calon, nyan hak gata,,

Haba peu ingat, keu ureueng gampong,,
Hate beu rihoen, bak joek suara,,
Bek asai culok, suara nibak toeng,,
Neutop langsoeng, ureueng na agama,,

Meunyo tanyoe, kana untoeng,,
Oen grusoeng, jeuet keu laba,,
Menyo kana caleg, ureueng gampoeng,,
teuntee untoeng, geu tanyoe desa,,

Meunyo tanyoe, kana tupoeng,,
Kupee teuh lusoeng, jak boeh teunaga,,
Menyo kana, calon digampong,,
bek meu-en siroeng, ngon urueng luwa,,

Etnoe keuh mantong, hai syedara mutuwah,,
Pat-pat na salah, neu peumu-a'h sigra,,
Bak loen teumuleh, kadang hana pah,,
Meu-a'h beu bagah, bek sampe desya,,
        .........$wek Spek...........

TABOEH NAN PEE-PEE YG HAWA

Ci aleh taci, ta uji-uji,,
Taboh nan, pee-pee yg hawa,,

Yg geu peunan, bak phoen,,
Salah uloen, bek neu hina,,
Yg geu peunan, pantoen,,
Beugot hai kawom, neupeunyum makna,

Yg geu peunan TGK,,
Gob geu bantu, peudong agama,,
Yg geu peunan hantu,,
Carong meurayu, fitnah tan reuda,,

Yg geu peunan toke,,
Meukat pade, dengan segala,,
Yg geu peunan lonte,,
Inoeng meurabe, mita belanja(jak muzina),,

Yg geu peunan sogok,,
Harta teuh dicok, gaji meudausa,,
Yg geu peunan perampok,,
Harta dicok, ureueng ji tampa,,

Yg geu peuna cagok,,
Takhem dok-dok, su uberaya,,
Yg geu peunan ulok,,
Han soe arok, siumu masa,,

Yg geu peunan bangke,,
Ulat meurabe, khieing lagei na,,
Yg geu peunana jahe,,
Ureueng bakhe, keureueng that aja,,
         (..................)
Bek ta peusalah beuneueng,
Salah jaroem, jiloep lam ija,,
Bek ta peusalah gampong,
Salah kawom, keureueng agama,,
  (((((Swek spek)))))

KROPSI TAN REUDA

Assalammu'alakum, keu mandum akhi,,
Seulaweut  keu nabi,  saidil ambiya,,
Haba calitra, pantoen loen rawi,,
Karong ngon wali , duson ngon kota,,

Neubri ya allah,  beutroek hajati
Keu soal kropsi,  hana pre masa,,
Dumnoe ka bala,  neubri tsunami,,
Matong sit kropsi,  meu rajalela,,

Rata jeut sagoe , tadeungoe kropsi,,
Lage sang sang hi , saboh budaya,,
Tamoeng keurija,  peugawe neugri,,
Tamoeng polisi , atawa teuntra,,

Sinan na jatah,  peujabat tinggi,,
Tamah famili,  sogok mubura,,
Sogok meunyogok , sinan terjadi,,
Takalon ban hi, syit ka beasa,,

Yang leupah lucu , jinoe terjadi,,
Wate jibagi,  subsidi desa,,
Teken lhee juta,  dijok lhee tali,,
Bak kwitansi , yue cap bak desa,,

Nibak tingkat sa , phon phon terjadi,,
Lakee kumisi,  yue bagi rata,,
Oh troek bak camat , deungon bupati,,
Administrasi , keunoeng biaya,,

Hanale teumpat,  yang hana kropsi,,
Han kecuali , tamoeng phon tk,,
Bak bagi jadup,  jatah peungungsi,,
Sinan pih kropsi , meurajalela,,

Bak bagi rumoh , barak peungungsi,,
Sinan  hai  akhi , pih saboh gura,,
Sogok menyogok,  sinan terjadi,,
Supaya jibri , dua boh muka,,

Nibak bagi breuh,  ngon teupong kanji,,
Jatah peungungsi , bantuan lua,,
Untuk saudara,  jok dua guni,,
Untuk peungungsi , sep saboh saja,,

Padahai saban , korban tsunami,,
Pakon bak bagi , jatah meubeda,,
Hana amanah , ureung yang bagi,,
Meunyan pih kropsi,  wahe saudara,,

Bak peugot surat,  kanto polisi,,
Bak desa jibri,  surat cap desa,,
Bak urus izin,  kanto bupati,,
Camat keutahui,  syarat jih beuna,,

Haroh tasurung,  rata kurusi,,
Beulanja tabri,  beurata meja,,
Meuhan han teubiet , rekomendasi,,
Izin han jibri,  meutan belanja,,

Di pak kontraktor,  pih laen hi,,
Ilah dicari , beuna keurija,,
Mita proyek , tender yue bagi,,
Disinan  kropsi , bit kureueng aja,,

Meunyoe menang lon,  PT. Tsunami,,
Negoisasi , lon jok beulanja,,
Siploh persen , keu pimpro lon bri,,
Tiket ek haji,  inong keupala,,

Oh troek bawasda,  KPK lagi,,
Dijak kumisi , deungon pareksa,,
Jok saboh amplop , ka teuhing gusi,,
Yue jak kembali,  han pue pareksa,,

Meunan keuh bagoe,  jinoe terjadi,,
Maka jeut kropsi , meurajalela,,
Keu peungadilan , jinoe lon kheun kri,,
Disinan kropsi , pih saboh gura,,

Pancuri manok , hukuman mati,,
Peujabat kropsi,  bebah u lua,,
Meunoe ji puta , meudeh jiputie,,
Hansep bukeuti,  alasan jiba,,

Peunutut umum,  ngon hakim tinggi,,
Negoisasi , deungon terdakwa,,
Ngoen peungacara,  yue ikat janji,,
Padum ek jibri,  meunyoe lon bela,,

Yg na thei-thei droe, nibak kurupsi,,
Mandum beu gubri, asoe penjara,,
Neu pok-pok jaroe, meunyo gop kropsi,,
Han trep terjadi, karma meugisa,,

Hana jitupeu , hukuman kropsi,,
Hukom ilahi , tamong nuraka,,
Kupue guna le,  peng hasil kropsi,,
Watee tamate,  hana sit taba,,

Gafan lhee lapeh , meunyang na taba,,
Papeun keureunda,  labang lhee inci,,
Harta tatinggai,  sinoe didonya,,
Ditung pusaka , aneuk ngon wali,,

Tak kala mate , sidroe droe ureueng,,
Peut hoe geubulung , harta pusaka,,
Di ulat asoe , di bumoe tuleung,,
Teuma di ureueng , jitueng pusaka,,

Nyawong  geupulang , milek Potollah,,
Meudi gata sah , hana sapue na,,
Malingkan yang na , amal ibadah,
Seudeukah jariah,  masa lam donya,,

Etnoe keuh mantoeng, hai aneuek aceh,,
Haba yg teupeh, meu-'ah loen sigra,,
Kadang na gasa, haba uloen peh,,
Geutanyoeh saheh, bek na yg desya,,
          (Swek spek)

KHANDURI BLANG

_____----khanduri blang ----______
Assalam mu'alaikum, syedara mandum,,
Uloen bri saleum, pantoen teurika,,
Pade kabeh roh, rab abeh bandum,,
Masyarakat umum, karap bahagia,,

Khanduri blang, jinoe ka teuka
Bu gaseng puta, mangat tapajoeh,,
Wahe e_rakan, tuha ngon muda,,
Soe nyang rasa, meusaneuet tuboeh,,

Takoeh bak mane, keu ale neuba ,,
Leusoeng jeumpa , jeungki bak meudang ,,
Wate keumeukoeh , oh troek kutika ,,
Piasan Raya, teungoeh luah blang ,,

Jimeuloet siwah , ngoen cicem pala ,,
Rimueng ngoen singa, meukuran kuran ,,
Oh masak pade, kuneng meuhampa ,,
Hanjuet tatunda, takoeh beurijang ,,

Meuteulat takoeh, luroeh meukeuba
Rugoe meubura, timoeh dalam blang
Hase meukurueng, wahe saudara
Wate takira, luroeh bak neubai

Luroeh bak takoeh, Wate keurija ,,
Seuneubai raya, luroeh meukarang ,,
Luroeh bak tangke, ka leupah tuha ,
Han pue takira, Rugoe koen wayang ,,

Barokoen tapreh, tapeulihara ,,
Taboeh ngoen baja, subur tanaman ,,
Tajaga ngoen ie, mangat sempurna ,,
Ta seumproet hama, bekna gangguan,,

Wate keumeukoeh, meubek tatunda ,,
Rugoe meubura, ka wahai rakan ,,
Meunyoe han takoeh, meutanggoeh lusa ,,
Luroeh meukeuba , pade dalam blang,,

Oh wate takoeh, susah keurija,,
Seuneubai raya, bak tapeutimang ,,
Di sinan liroeh, jatoeh meukeuba ,,
Pade sigunca, tinggai peut gantang ,,

Seureuta wasiet, bak urueng tuha ,,
Atra yang kana, geuyue coek rijng ,,
Bek gadoeh laloe, seutoet yang hana ,,
Rugoe meubura, oh geucoek pulang ,,

Pade geuyue koeh, oh troeh kutika ,,
Yue bayue sigra, zakuet ngoen untang,,
Bekle meutanggoeh, singoeh ngoen lusa ,,
Bek juet keu Dosa, Tanyoe ngoen Tuhan ,,

Ka meunyoe meunan, tanyoe keurija ,,
Meulipat ganda, neubri le Tuhan ,,
Tuhan peujeuoh, tanyoe ngoen bala ,,
Seubab kareuna, zakuet ngoen utang ,,

Rawi keumeukoh, ohnoe meumada ,,
Tasamboeng sigra, Zakuet ngoen utang ,,
Siploeh peutuah, Rab tamat rika
Uloen calitra, cara meugoe blang ,,

______swek spek_____

Jak kuep peing-peng.

https://youtu.be/0RHfWtwnm6g
Jak kuep peimpeng, dideh krueng putu,,
Kunan 'a-'u , dum anwuek muda,,

Yg leubeh gura, mata kabeh hu,,
Jinom laju, jaroe meuraba,,

Hase uroe nyoe, na saboh droem,,
Baroh tunong, ureueng belanja,,

Han jan loen tumpoek, laju meu gom_gom,,
Sikilo si-oen, nam ribee rupia..

SMS UNTUK UROERAYA

Cukop that lagak, takalon laot,,
Uroe rab jiloep, malam pih teuka
Meu-'ah desya loen, nyang ka ulikot,,
Kadang meusangkoet, guetanyoe dum na,,

Ta meumat jaroe, hai rakan canden,,
Geu tanyoe meuchen, beu ampoen desya,,
Beu that yang lahe, atawa baten,,
Bak tamu khem2, tapugah haba,,

Tajak beu sulu,  bek salah langkah,,
Tajak beu bagah,  nyak bagah tiba,,
Kadang na narit, yang leupah2,,
Meusiruek lidah, bak pugah haba,,

Uloen cok kanji, dideh dimeunasah,,
Poh tujoeh pah, ngon buka puasa,,
Kadang na janji, kayem meu ubah,,
Hana lon peu glah, wate troh masa,,

Sayang lagai na, puasa ka leupah,,
Meugang pih lupah, uroe raya teuka,,
Walaupun ji-oh, hna troh langkah,,
FB loen peuhah, loen peutroh haba,,

Boh pisang kleng, mangat beukon le,
boh pisang awe, asoe jih hana,,
meu-ah desya loen, baten ngen lahe,, na meucureh hate, bak peugah haba,,

kadang na janji, kayem merawe,,
Nasaket hate, haba lon gasa,,
Kadang cit singeuh, uloen hana le,,
Di yaumil akhe, bek jeut kheu desya,,

kadang tan lon ngieng, wate nneukawot,,
hana lon seu-ot, wate neu sapa,,
Kadang neu hp, hana lon beu-oet,,
kadang loen carot, tan loen sengaja,,

Kadang bak janji, tan teupat watee,,
Meu-ah lon lake, nibak syehdara,,
Umpama desya, lage oun kayee,,
Yoeh golom layee, laen ka muda,,

Umpama desya, lage ie la-ot,,
Roh golom surot, laen ka teuka,,
Peu meu-ah desya loen, yang ka ulikot,,
Bek meusangkot pawot, di padang masyha,,

Naleung lakoe, tim0h dlm gle,,
Naleung meurante, timoh lam paya,,
Meu-'ah dausa loen, baten ngon lahe,,
Kadang han sampe, meurumpok muka,,

tombol di Hp, loen nit ke jaroe,,
Layeu 4 sagoe, loen anggap muka,,
Pulsa keutenaga, geulantoe kuwoe,,
Peu meu-'ah kamoe, ube na dausa,,
         ------SWEK SPEK-----

Meupulitek asai-asai

Assalam mu'alaikum, syedara mutuwah,,
Patoen kamoe pugah, koen ku gura-gu,,
Neubaca bugot, neu faham bupah,,
Koen kamoe pugah, meu puna- puna,,

Di laot pukat, di darat moto,,
Ureung nyang mugo, pade meugunca,,
Ta meu pulitek, bek beurangkaho,,
Mesjid pukuto, politek ta buka,,

Tajak ngon moto, tawoe ngon tapak,,
Jalan ka rusak, oh lheueh ujeuen raya,,
Dalam masjid, politek bek tapraak,,
Bek gata teukusyak, bak rumoh Allah ta'ala,,

Buya krueng, bandum teudong-dong,,
Buya ban tamoeng, meuteume laba,,
Wahe syedara, di kota ngon di gampong,,
Persatuan beukong, masjid bek dicuca,,

Ta mu-ue blang, luwah bukon le,,
Hana tom na ase, buthat mugunca,,
Bak tempat ibadah, hana soe tham le,,
Ka lagee kaphe, yang dikeurija,,
((Bit-bit ureueng keureueng aja))

Tapugoet rumoeh, tan le mu uke,,
Kayee hana le, pakek batee bata,,
Jameuen lawet nyoe, jameuen ka akhe,,
Pemimpin jahe, dausa hana dikira,,

Kamoe pu ingat, hai syedara mutuwah,,
Bak rumoh Allah, bek that mucuca,,
Bek pugah raboen, asai ka nuhah,,
Bek gata pugah, politek donya,,
....... Swek spek....

LAYANG ACEH

Aneuek muda gampong, dipugot layang,,
Musem luwah blang, jinoe ka teuka,,
Nyang na lam ranto, neuwoe beu rijang,,
Ta jak meusenang, sigolom tuha,,

Ka lagee jameuen, teuka piasan,,
Jak peulheueh layang, tuha ngon muda,,
Layang sumatoeng, aneuek miet piasan,,
Layang rungka nyan, piasan aneuek muda,,

Watee ta ingat, roeh masa dilee,,
Meu macam lagee, piasan dum na,,
Dilayang beuleuen, lingoeng beu tuntei,,
Di layang jeu-ee, asai meu keuna,,

Cukop that seunang, di ureueng gampong,,
Asai ka troeh thoen, abeh pekara,,
Di pugoet layang, troeh layang sumatong,,
Layang uleue sudoeng, pih sama saja,,
"""""""" MEUSAMBONG""""""

JAK LHOEH CICEM

Assalammu’alaikoem,Tangloeng buluen trang,,
Jaroe loen layang, atueh jeumala,,
Jaroe loen dua, loen beuot mayang,,
Ngoen hate seunang, didalam dada,,

Meusem luwah blang, ta jak lhoeh cicem,,
Sente ta sandeng, ateuh kepala,,
Ta jak mubanja, tame ceurungkleng,,
Tagom that sereng, cicem lampaya,,

Oh teuka malam, cicem tajak lhoeh,,
Ladom syit tikoh, meuputa-puta,,
Oh watee tagom, mulabo tuboeh,,
Ta khem that riyoeh, lucu lagai na,,

Kenangan jameuen, han ek le tabhoh,,
Tanyoe meusaboh, hate gembira,,
Hana ta sangka, ka teuka suboh,,
Lam blang sumukoh, mantong muputa,,

Etnoe keuh mantong, haba kamoe koeh,,
Nyoe haba reulhoeh, bek that neu kira,,
Malam ka jula, bak jak let bakoeh,,
Peu mu'ah beusoeh, pat pat na gasa,,

        ^^^^swek spek^^^^

ASAI MULA

THON JIEM NAN ASLI LANCOK BAROH
               " LAM PACOK"

^^^^^^JAMEUEN^^^^^^^
"ASAI MULA NAN LANCOK"
-SINGKATAN DARI :
1. LAM PUCOK=LAM COK
2. LA(M) PUCOK= LA(N)COK

^^^^^MASA MALENIUM""""
"ASAI MULA BARLAN"
-SINGKATAN DARI :
1. BAROH LANCOK= BAR LAN
2. (BAR)OH  (LAN)COK= BARLAN

^^^^MASA MODEREN (TITEL MESIR)^^^^^^
"ASAI MULA LC "
-SINGKATAN DARI:
1. LANCOK = LC
2. (L)AN(C)OK =LC

PEMIMPIN AKHE

~Assalam mu'alakum, keu mandum kawom,,
Asyi neu pephoem, lagei yang kaka,,
~Koen loen puna, haba pak tontoeng,,
Jinoe that rihoen, donya ka tuha,,

~Dileung putu rakan, na pasai suboh,,
Laju ta budoeh, jak bloe sayuran,,
~Musem politik, sabe lam memoeh,,
Rata jeuet rumoh, pileh meu beda,,

~Meunyo kecamatan, guboeh bandar baru,,
Kota leung putu, syit sama saja,,
~Roeh masa dilee, meusatu padu,,
Jinoe ka karu, beuthat adoe A,,

~Diuroe minggu, geucok nan pekan,,
Ureueng troeh kunan, gujak belanja,,
~Jinoe takalon, dalam kampungan,,
Fitnah gulayang, saleng meu hina,,

~Senin selasa, rabu ngon kamis,,
Ureueng dum remis, kunan troh teka,,
~Watee uroe Ha, muraya-raya kumis,,
Ban jeuet keumunis, rakyat sengsara,,

~Jum'at ngon sabtu, leung putu sepi,,
Pedagang hepi, tan soe belanja,,
~Sigolom ta pileh, calon pak waki,,
Muribee janji, di jak peu taba,,

~Etnoe keuh mantong, haba loen rawi,,
Meu-ah e-akhi, pat-pat na gasa,,
~Oh ban ka jeuet, keu bapak bupati,,
Janji di ingkari, rakyat meurana,,
_______SWEK SPEK_____

https://youtu.be/5JPZEChHl2U

PEMIMPIN AKHE

~Assalam mu'alakum, keu mandum kawom,,
Asyi neu pephoem, lagei yang kaka,,
~Koen loen puna, haba pak tontoeng,,
Jinoe that rihoen, donya ka tuha,,

~Dileung putu rakan, na pasai suboh,,
Laju ta budoeh, jak bloe sayuran,,
~Musem politik, sabe lam memoeh,,
Rata jeuet rumoh, pileh meu beda,,

~Meunyo kecamatan, guboeh bandar baru,,
Kota leung putu, syit sama saja,,
~Roeh masa dilee, meusatu padu,,
Jinoe ka karu, beuthat adoe A,,

~Diuroe minggu, geucok nan pekan,,
Ureueng troeh kunan, gujak belanja,,
~Jinoe takalon, dalam kampungan,,
Fitnah gulayang, saleng meu hina,,

~Senin selasa, rabu ngon kamis,,
Ureueng dum remis, kunan troh teka,,
~Watee uroe Ha, muraya-raya kumis,,
Ban jeuet keumunis, rakyat sengsara,,

~Jum'at ngon sabtu, leung putu sepi,,
Pedagang hepi, tan soe belanja,,
~Sigolom ta pileh, calon pak waki,,
Muribee janji, di jak peu taba,,

~Etnoe keuh mantong, haba loen rawi,,
Meu-ah e-akhi, pat-pat na gasa,,
~Oh ban ka jeuet, keu bapak bupati,,
Janji di ingkari, rakyat meurana,,
_______SWEK SPEK_____

PEMIMPIN

~Assalam mu'alakum, keu mandum kawom,,
Asyi neu pephoem, lagei yang kaka,,
~Koen loen puna, haba pak tontoeng,,
Jinoe that rihoen, donya ka tuha,,

~Dileung putu rakan, na pasai suboh,,
Laju ta budoeh, jak bloe sayuran,,
~Musem politik, sabe lam memoeh,,
Rata jeuet rumoh, pileh meu beda,,

~Meunyo kecamatan, guboeh bandar baru,,
Kota leung putu, syit sama saja,,
~Roeh masa dilee, meusatu padu,,
Jinoe ka karu, beuthat adoe A,,

~Diuroe minggu, geucok nan pekan,,
Ureueng troeh kunan, gujak belanja,,
~Jinoe takalon, dalam kampungan,,
Fitnah gulayang, saleng meu hina,,

~Senin selasa, rabu ngon kamis,,
Ureueng dum remis, kunan troh teka,,
~Watee uroe Ha, muraya-raya kumis,,
Ban jeuet keumunis, rakyat sengsara,,

~Jum'at ngon sabtu, leung putu sepi,,
Pedagang hepi, tan soe belanja,,
~Sigolom ta pileh, calon pak waki,,
Muribee janji, di jak peu taba,,

~Etnoe keuh mantong, haba loen rawi,,
Meu-ah e-akhi, pat-pat na gasa,,
~Oh ban ka jeuet, keu bapak bupati,,
Janji di ingkari, rakyat meurana,,
_______SWEK SPEK_____

NATANTANNA

^^^^^^™™NATAN TANNA™™^^^^^^
Keu pee teuh apui, meunyo tan perlei,,
Keu pee teuh bubei, meunyo tan Kamba,,

Keu pee ta hudep, meunyo tan ilmei,,
Keu pee ta lakei, meunyo tan guna,,

~™
Keu pee na payong, munyo tan ujeuen,,
Keu pee na buleuen, munyo tan donya,,

Keu pee na aneuek, munyo tan purumeuen,,
Keu pee na ureueng, munyo tan agama,,

~™
Keu pee na rumoh, meunyo tan tadeuek,,
Keu pee na uruek, munyo tan tapula,,

Keu pee na umu, meunyo tan wudu'k,,
Keu pee na khusyu'k, meunyo tan guna,,

HANA THEI UNTOENG

Assalam mu'alaikum, rakan mutuwah,,
Ata gob pugah, uloen cerita,,
Neu dingo bugot, gulinyueng neupuhah,,
Bek sampe teulah, rugoe lumpah na,,

Rame that dara, cukop that cidah,,
Kaya yg mugah, gasien rupanya,,
Oh dicet droe, sang-sang ureung that mugah,,
Ma ngon ayah, hek mita belanja,,

Na bacuet tari, ube bu kulah,,
Punyaket abah, umbong that raya,,
Han dipadoli, aba ta peugah,,
Peulom hai ayah, meuturi hana,,

Watee tarayu, ngoen moto mewah,,
Honda beupayah, warior beu taba,,
Nye nyan hai rakan, tanyoe disumah,,
Bacuet ta olah, langsong jeut ba ba,,

Nye ka pacaran, dumpeu jeut ramah,,
Mandum dipeuhah, demi kakanda,,
Nyoe pembuktian, sidara cidah,,
Mandum dek serah, jiwa ngen raga,,

Peu yang neupeugot, adek tob babah,.
Mandum terserah, tanyoe ban dua,,
Yang peunteng beugot, tanyoe pih puah,,
Hana masalah, bak ayah poma,,

Nyan keuh hai rakan, bacuet loen peugah,,
Ata gob kisah, bak rangkang tuha,,
Peu kenyataan, peu keuh nyan salah,,
Mandum masalah, le droe ta cerna,,

Boh mamplam putik, talhap ngen lincah,,
Boh limeng mirah, tajampu saka,,
Hai dara cantek, meubek meu ulah,,
Jaga peukakah,, bek tikoh suba,,

Haba loen pantoen, koen asai keuhah,,
Asyi neu papah, memang ka nyata,,
Meunyo na teupeh, pumu-ah bagah,,
Nyak glah ngon Allah, di alam baka,,
________swek spek_____

Kata-kata pengingat anggota grup

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
Langsong manteng kamoe pegah bahwasan jih didalam GRUP nyoe nakeuh geutanyoe peutameng hiem ngon panton-panton Aceh yang geutanyoe posting dalam Grop HIEM NGON PANTON (, dan na syit dari panton-panton rakan geutanyoe nyeng laen bersama rakan-rakan lewat jeujaring sosial nyeng geupeunan FACEBOOK....

^^^^^^^^   ¶€®1π¶∆+@π.  ^^^^^^^^

Assalamualaikum, tangglong jenulang,,
Saleum mulaan, keupuphon haba,,
Lon hoi syedara, pemuda seudang,,
inoeng Agam, Tuha ngen muda,,

Tujuan ngen maksud, hajat lon sumbang,,
Jak sambong ikatan, jalenan syedara,,
Dua krek haba, kata ulon layang,,
Keu mandum rakan, seluruh Anggota,,

Saboh ceurita, masa yoh silam,,
Masa saboh jan, dengoe calitra,,
Budaya jameuen, tabalek rekam,,
Pantoen tatayang, bak aneuek bangsa,,

Kamoe peu ingat, keu mandum taulan,,
Beugot putimang, sesama bangsa,,
Didalam grup nyoe, tanyoe mu ayang,,
Bahasa lisan, beu goet ta jaga,,

Neu kirem pantoen, beu got neu rawi,,
Calitra neu bri, bek asai kana,,
Meunyo neu muhiem, balah beu sakri,,
Ca-e beuna hi, beu cocok kata,,

Etnoe keuh mantong, haba peu ingat,,
Keu mandum shobat, di donya maya,,
Assalam mu'alakum, salem loen intat,,
Madum karabat, yang katroeh tuka,,
______$wek $pek_____

DONYA KA TUHA

Haba nyang keu phoen, pantoen loen puhah,,
Ca-e neuek pugah, donya ka tuha,,

Haba ureueng jameuen, katroek ban surah,,
Geubri le Allah,  bit-bit ka nyata,,

™√
Assalam mu'alakum, rakan mutuwah,,
Seramoe mekkah, aceh mulia,,

Kawoem boh hate, yg hamba Allah,,
Beudoeh bubagah, bela agama,,

™√
Ta harap keu apui, na dalam taloe,,
Ta harap busoe, ie meu beura,,

Ta harap agama, rame tan soe pakoe,,
Ta harap nanggroe, agama di cuca,,

™√
Agama islam, Han soe hiroe le,,
Agama kaphe, Galak theuh raya,,

Seubagoe contoh, Uloen tapeuse,,
Muda ngoen mudi, bak jinoe masa,,

™√
Tunong ngoen baroeh, ji-oh dengon toe,,
Barat loep uroe, timu uroe teuka,,

Cukoep that gura, kiamat katoe,,
Hana soe hiroe, beu that troeh bala,,

™√
Neu ingat bugoet, hai adue adoe,,
Agama dipubloe, hana di niet na,,

Budoeh rakan loen, ta peu saboh droe,,
Ta bela nanggroe, pukoeng agama,,

™√
Bit-bit donya nyoe, syiet karap reule,,
Beudaya kafe, jinoe ka teuka,,

Haba ureueng tuha, kadeuh muble-ble,,
Agama kafe, ta kalon nyata,,

™√
Etnoe keueh mantong, hai syedara boh hate,,
Keu panyoeng pangge, yg teungoh baca,,

Meu-ah loen lakei, cerita akhe,,
Haba loenn rawe, meunyo na gasa,,
     ____---swek spek---____

^^PILEH PEMINPIN^^

dengon nan Allah, ulon buka phon,,
Haba lam panton, Aceh mulia,,
syukur keu Allah, rabiul rabbon,,
Allah khadiron, yang maha esa,,

bacut lon pugah, haba lam pnton,
bacut lon rihon, dalam calitra,,
bacut lon cungke, keu pemimpin alon,,
bek salah sambong, wahe syedara,,

pileh pemimpin, wahe rakan lon,,
pileh yang rihon, yg bijak sana,,
pileh yg jujur, neutem pujoe rabbon,,
bek salah bak phon, dudo kecewa,,

nibak buleun nyoe, rame takalon,
caleg mehimpon, tamoeng lm desa,,
na yg meujanji, bakrakyat rakan lon,,
na yang meuhipon, lakee suara,,

bek salah pileh, lage ie embon,,
wate ka tutong, hana meuhoka,,
bagah tat gadoh, bak oen ijo oen,,
menan keuh tamselan, whe syedara,,

oh wate menang, tanyo di tutron,,
janji diputroen, hana di harga,,
asai ka mngat, lam rumoh aron,,
rumoh yg lambong, lage istana,,

menyo keurakyat, tan di peutron,,
jnji yg lambong, pupunoh hana,,
mulai keuh jino, whe rakan loen,,
pileh yg jujor, peminpin pidie jaya,,

Ta harap rumoh, bek tireh ubong,,
Ta harap oen, bek asai kana,,
bek le di pegeut, kota ngon duson,,
desa ngon gampong, bek sengsara,,

whe peminpin, yg kamoe petron,,
yg kamoe sanjong, yg kmoe cinta,,
tulong keuh rakyat, di dlm duson,,
kota ngon gmpong, hudep sengsara,,

yg gasin gasin, rumoh ubong oen,,
keu yatim phon, neu bantu sigra,,
meah e umi, wahe bapak loen,,
na salah ujong, bak lon calitra,,

Pileh pemimpin, jangka 5 thoen,,
Pileh hai kawom, yg goet agama,,
Bek teulah dudoe, rugoe 5 thoen,,
Kota ngon duson, sabe meurana,,

kadang bak kata, hana got suson,,
kadang rakan lon, nyo na yg gasa,,
kadang na teupeh, hate rkn loen,,
jaroe yang lambong, ateuh kepala,,

lepah tat lee, han ek loen alon,,
sebab di lon, tengoh keurija,,
nyo na umu, tuhan po rabbon,,
singoh lon sambong, panton lon puta,,

_______-swek spek-______

°°°°HABA UREUENG JAMEUEN°°°°

HABA UREUENG JAMEUEN, SABE GEU KHUEN LE UREUENG TUHA,,
ARTI NGON MAKNA, BEK THAT TA HIREUEN,,
MUESOE_SOE UREUENG, NYANG JEUET BOEH MAKNA,,

KEUNOENG SIBLAH, TABU JARUENG,,
KEUNOENG SIKURUENG, TABU RATA,, 

KEUNOENG TUJOEH, PADE LAM UMOENG,,
KEUNOENG LIMOENG, PADE KA DARA,,
 
KEUNOENG LHE, PADE KA RHOEH,,
PADE TAKOEH, UJUEN TEUKA,,
________--SWEK SPEK--______

PUE INGAT

Assalamm’alaikom, lon dirue  saleum,,
Keu bandum urueng, Asoe lam donya,,
Gantoe lonjak droe, Juet sagoe ruwueng,,
Lon kirem saleum, roet  donya maya,,

Beu Kon le sayang, loen kalon gampoeng,,
Mukim ngon duson, jinoe ka reule,,
Aneuek miet cut-cut, ka kunoeng bakoeng,,
Aneuek miet tanggoeng, sabu di kaye,,

Meunyo ngon taloe, mangat meu ayoen,,
Meu ngoen tupoeng, mangat croeh tempe,,
Ummi ngon ayah, di pukiek punggoeng,,
Asai na si-oen, seungab beukon le,,

Geupula bayam, dalam blang raya,,
Tasiram hana, ban mandum mate,,
Nyo hana sunggôh, yôh masa muda,,
Όh watèe tuha, susah bukon lé,,

Didalam la ôt, eungkôt meudôda,,
Didalam paya, teumeugom bacé,,
Seunang ta udép, meunyo sép harta,,
Dak tan keurija, tapajôh wasé,,

Gunöng seulawah, meugah na dua,,
Nyang saboh Dara, cidah meu uke,,
Sunggôh ‘Ibadat, Syufa’at teuka,,
Sunggôh keurija, seunang ׳oh akhé,,

Reudôk lam uteuen, ujeuen pih teuka,,
Lam krueng meukapa, cabeueng meuranté,,
Bèk that peureumeun, reun mareun dônya,,
Tanyoe ji daya, rôh lam buet jahé,,

Tajak usabang, jeumeurang kuala,,
Rot lhôk krueng raya, ék jalô kawe,,
Meunyo tagalak, bak buet nyang beuna
Seunang ׳oh lusa, di uroe pagé,,

Jalan Meulabôh, tumbôh u-tripa,,
Jalan Keumala, tumbôh u-tangsé,,
Peue nyang tapubuet, beujeuet takira,,
Rugoe ngon laba, awai tapike,,

Di bate tutông, semantông tapa,,
Di guha naga, jiduek uleue glé,
Peue nyang tapubuet, beujeuet meuguna,,
Bèk sia sia,  rugoe ׳oh akke,,

Wahe kawom lon, bandum syedara,,
Beudoh le sigra, jinou tapike,,
Kajeut tapioh, jeb ie lam kaca,,
Seubab nyou donya, karap geu gule,,

Cukop jai bukti, ka leumah nyata,,
Meu macam bala, allah peulahe,,
Meunyo han sadar, kadup nou bala,,
Neupreh soudara, nyou hana trep le,,

Oh nou keuh dilei, ca e lon rika,,
Peu ingat bangsa, yg lalou sabe,,
Nuepateh ngon han, drou neuh yg rasa
Watei trouh bala, meunyesai koen le,,

___swek spek____

HIEM LAM PANTOEN

Keu jak ngon gaki, karna tan silop,,
Keu jak lam luhop, karna ie raya,,
Haba mupantoen, ladoem beungeh gop,,
Na nyang meuhoep, watee geubaca,,

Wahe syedara, nyang meu-en fb,,
Kunoe neulai-ili, nyak ta meucakra,,
Menyo syedara, hiem neutem bri,,
Bah lon slidiki, loen puglah sigra,,

Ta muca-e, mugileng lidah,,
Goet that payah, ta mucalitra,,
Meunyo meuhiem, kunoe neusinggah,
Neuhiem beupah, nyak mangat haba..

Na saboh hiem, lon ba lam pantoen,,
Na sikrek oen, reutoeh boh mata,,
Watee oh dijak, su meu aloen,,
Tiep_tiep gampoeng, pasti na,,
______ spek swek____

           ..   .HIEM.  ..
()WATEE DIJAK, SU MEU ALOEN,
NA SIKREK OEN, REUTOEH BOH MATA..?
PASTI NA, TIEP-TIEP GAMPOENG,
JAWEUEB HIEM LOEN, SOE2 NYANG BACA..
______PEE..____

^^ASAI MULA MUKIM LANCOK^^

 ^^ASAI MULA MUKIM LANCOK^^

Asai lancok nyoe, seuramoe meugah,,
Yg mat peurintah, di ureueng tuha,,
Batas timu nyan, uleung geu pugah,,
Ubarat leupah, nyan lancok nama,,

Wahe syedara, cukop meutuwah,,
Uloen neuk pugah, bak asai mula,,
Di baroh lancok, deudoe ban mugah,,
Bek gata pisah, langgeh meutuka,,

Pesan endatu, gampong bek taplah,,
Sabe lam papah, beu goet tajaga,,
Meunan keuh haba, endatu pugah,,
Roeh na aruwah, ureueng phon yg na,,

Dibale angen, nan phoen blang timu,,
Oleh endatu, geuboeh nan desa,,

Dudoe oh lheuh nyan, geuboeh blang barat,,
Baro akeurat, lancok geu data,,
Dari pulo puep, phon_ phon geusipat,,
Bantroeh ban hajat, geu pisah teuma,,
 
Na 4 boh lancok, roeh phon that geuklim,,
Dudoe gupusieng, geu boeh_boeh nama,,
Dilancok baroh, phon that na mukim,,
Dudoe geuboeh mieng, pulo puep nama,,

Wahe e rakan, keu mandun akhi,,
Sawang geu rawi, geuboeh nan desa,,
Teuma oeh lheuh nyan, pulo geu uji,,
Pakiban sakri, meuseujid buna,,

Ban jeuet meusujid, wahe e taulan,,
Meunasah manyang, baro geu puna,,
Hana soe sangka, lagei nyoe macam,,
Meunan keuh reusam, bukti yg nyata,,

Etnoe keuh mantoeng, haba loen bukti,,
Ayah ummi, mudi ngon muda,,
Meu-ah ABUJA, keu mandum akhi,,
Dari phon gaki, sampoe kepala,,
_________swek spek_________

NAN LAMPOEH DILANCOK BAROH

--nan lampoeh dilancok baroh--

Dilampoeh cruem, ka geunteing keu-ieng,,
Dilampoeh meulieng, na disimpang tiga,,
Na sidroe dara, puteih that boh mieng,,
Lhee thoen uloen ngieng, ka gob pojeumpa,,

Dilampoeh ruti, jinoe seunyi that,,
Dilampoeh kawat, bak u meu banja,,
Jinoe dara nyan, tari cukoep brat,,
Meu sineuek jerawat, hana bak muka,,

Dilampoeh blang, hana ta teu-oeh,,
Dilampoh soeh, saboh nan nama,,
Meunyoe dara nyan, kana po reumoeh,,
Jinoe ceukoep jroeh, ka meu bahgia,,

Meunyoe di lancok, hana le lampoeh,,
Neuheuen yg geuboeh, leuwah lageina,,
Haba uroe nyoe, pantoen loen peutroeh,,
Meunan geusuroeh, geu yueboeh tanda,,

______-spek swek-______

NAN JEUROENG DI LANCOK BAROH

NAN JEUROENG DILANCOK BAROH
_____"""""____"""""_____"""""_____"""""____
oen malai phon, keuneuk jak sipat,,
Nyak jeuet akurat, juroeng pat-pat na,,
Teuma keu 2, syit juroeng jirat,,
Toe musapat, ngoen rumoh dipera,,

Teuma yg keu 3, juroeng diampon,,
Meukewet lansoeng, teumboeh TPA,,
Teuma yg keu 4, na jeuroeng puntoeng,,
5 meusamboeng, juroeng limeng nama,,

Teuma yg keu 6, na  juroeng lhok,,
Laju meuruempok, lapangan bola,,
Teuma keu 7, na jeuroeng niboeng,,
Roet timu lansoeng, niboeng syit nama,,

Teuma keu 8, juroeng tgk dimatang,,
Teuwoe juroeng cuwan, 9 ta data,,
Geunap keu 10, jeuroeng moen umum,,
Laen nyan mandum, lahe ban teuka,,
___________swek spek________

NAN BLANG DILANCOK BAROH

_______NAN BLANG LANCOK______

Di blang paya, leuwah meuhalak,,
Cukop that lagak, ta-e ngon mata,,
Haba meu pantoen, le ureueng galak,,
Le ureueng surak, geukhem meu bura,,

Teuma keu dua, ta kalon blang glok,,
Shit hana cocok, watee ta gamba,,
Nyoe calitra , koen ta ulok- ulok,,
Asyi neu patok,  laen ngon peta,,

Teuma keu lhee, di blang luengcut,,
Han jeuet keubeuet, ie sabe tan na,,
Geu pula pade, payah bacut- bacut,,
Oh akhe beuet, han tom na laba,,

Teuma yg ke peuet, dideh blang barat,,
Keunan meu sapat, dum pemuda,,
Jak meu-en bola, timu ngon barat,,
Di sinan tempat, meu cok-cok piala,,

Teuma keu limoeng, dideh blang timu,,
Keunan meu'u-'u, oh malam jula,,
Beu that yg tuha, sampe hana trok umu,
Pee yg di pulaku, meu urusan hana,,

Teuma yg keu nam, dideh blang kulueng,,
Keunan payah plueng, mita belanja,,
Roet nan tempat jak, ulei meu lampu,,
Bieng mirah hu, beurakasoe hawa,,

Uloen pohcakra, dideh diblang reng,,
Haba loen ireng, pantoen loen rika,,
Di blang paya, loen jak pih sereng,,
Di sinan kureng, karang calitra,,

---------spek swek---------



NAN ALUE DILANCOK BAROH

______ALUE DILANCOK___
Di alue keuek, loen kawe bace,,
Di alue beude, uloen theuen kadra,,
Le that ureueng, nyang lale hp,,
WA han tom pre, fecebook tan reda,,

Dia alue pi, loen koh boh nipah,,
Alue jamilah, tirom loen mita,,
Mudi ngon muda, ummi ngon ayah,,
Pantoen lon pugah, haba lon rika,,

Di alue me, loen kawe kruntoeng,,
Di alue bliyong, loen koh bak bangka,,
Nyang dara dara, neu jaga untoeng,,
Kota ngon duson, ta kalon nyata,,

Di alue naleueng, loen top grungkoeng,,
Di alue bom, loen piyoeh sigra,,
Wahe e poma, neujaga lansoeng,,
Sinyak payoeng, rame nyang cuca,,

Di aleu jabet, loen pajoh boh grumbang,,
Di alue keutapang, bieng loen mita,,
Dara jameuen nyoe, cukop that sayang,,
Rata jeuet agam, meukawen hana,,

Di alue sutui, ceukop that lapang,,
Di alue dagang, euengkoet khan tunga,,
Wahe syedara, bek tnggai sembahyang,,
Neraka jahannam, hana soe plubla,,

Di alue geukueh, pante that ceudah,,
Haba loen pugah, jamahun nama,,
Yang leubeh gura, hana soe papah,,
Rugoe ta pugah, hana meu makna,,

             ----"spek swek"-----